~~~~~~~~~~~~~~~~~ Day 3 ~~~~~~~~~~~~~~~~~~
維也納小檔案
位於奧地利共和國(簡稱奧地利)的維也納, 係奧地利最大嘅城市，座落於多瑙河旁邊。作為古典音樂與歌劇嘅中心，素有「音樂之都」嘅美譽!!!
驅車前往奧地利的中途站, 好先進嘅Toilet!!! 入咗錢就可以入去, 張飛尾有2D Barcode, 拎上地面便利店可以當CASH用!!!
坐咗3個鐘頭巴士, 終於到達維也納!!! 請注意, 呢一刻天氣尚可接受!!!
午餐@WienerWald--美味又大大份嘅吉列豬扒... 食到第2件有D溜...
呢間餐廳好豪, 問佢拎茄汁, 竟然成支大大支咁比你, 我估起碼都有750ml, 東歐之行只此一家!!! 舊年去列支敦士登同瑞士係冇得供應, 德國就要收錢!!!
Apple Pie... 我嘅天敵... 相信鐘意食嘅人會覺得幾美味嘅...
到達遜布倫宮 (Schonbrunn Palace) 啦!!! Yeah!!! 呢度係哈布斯堡王朝皇帝嘅夏宮o黎o架!!!, 又稱美泉宮(美麗之泉) 或 小凡爾賽宮, 是歐洲三大宮殿之一, 1996 年已經被聯合國教科文組織評為"世界文化遺產"!!!
一到步就去遜布倫御花園 (Schonbrunn Garden) 先, 狂風暴雨正式展開!!! 呢張相係用單反LAY係皇宮樓梯底影, 都吹到部機濕晒, 迫住收返入袋... 我D手指仲已經吹到凍僵晒... 鑽媽去日本時送比我嘅手信縮骨遮被吹到反轉再反轉再反轉再反轉...
決定逃亡, 但係太大風, 好難向前行, 中途見到呢個亭, 入去避一避...
逃亡期間, 又心有不甘... 比咗咁多錢o黎到, 唔想空手而回!!! 結果決定冒住狂風暴雨, 跑入迷宮花園, 希望入面冇咁大風...
穿過迷宮花園走入御花園, 都係不敵狂風, 要LAY係石像後面避一避...
Honey冒住狂風暴雨走出去御花園中心影咗幾張相, 結果成部傻瓜機濕晒...
從御花園望向遜布倫宮...
地陪Miss Color係馬拉人, 佢一支箭頭也不回咁沖入去, 我地一半團友去到入口被食蕉攔截, 雞同鴨講, 最後對於方見我地講極都唔明咁, 就放咗我地走, Miss Color一直冇回頭, 亦冇發現唔見咗半團人... 到我地行咗幾佰米去到Miss Color身邊, 同佢講我地嘅遭遇, 佢先話"哎呀, 唔記得同你地講, 背包唔入得"... 我心唸"有冇攪錯呀, 咁都唔講, 仲要完全冇回頭睇下D團友有冇跟住佢行"...
英雄廣場 (Heroes' Square)之 荷夫堡皇宮 (Hofburg Imperial Palace)
瑪麗亞杜麗沙廣場 (Status of Maria-Theresia) 勁似香港嘅皇后像廣場...
食晚餐前, 竟然車咗我地去一間100%黃埔土瓜灣FEEL嘅免稅店, 太太太離譜啦!!! D水晶自稱施華洛世奇, 但手工之粗糙, 比美10元店果D玻璃擺設, 我地當然咩都唔會買啦!!!
晚餐@樂口福 (Happy Buddha)--香港人開的中菜館, Yummy!!! 終於唔使再食鹹到打瀉鹽咁嘅食物!!!
今晚嘅酒店ＯＫ啦...
因為房冇熱水煲，要落餐廳拎熱水，所以順便影下相，因為今日實在影咗太小相。身後嘅Ｋｉｏｓｋ好早閂門，第二朝先可以入貨。
~~~~~~~~~~~~~~~~~ Day 4 ~~~~~~~~~~~~~~~~~~
早餐好豐富呀！
Durnstein, Austria
端斯坦小檔案
端斯坦坐落於多瑙河畔, 是一個中古世紀的小城鎮, 以盛產葡萄酒馳名... 傳聞山頭上半毀的城堡,曾經將英國國王--獅心王查理一世藏參於此!!!
到處都係葡萄園...
Melk, Austria ** 增遊景點 **
梅爾克小檔案
梅爾克坐落於多瑙河畔, 山上的梅爾克修道院是一座本篤會修道院，位于奧地利下奧地利州梅爾克鎮的山岩上，俯瞰多瑙河，毗鄰優美的瓦豪河谷。
Linz, Austria
連茲小檔案
連茲是奧地利第三大城，最初是由羅馬人建立，叫做Lentia。坐落於多瑙河畔, 是多瑙河上游重要的河港與經濟中心、奧地利最重要的重工業城市，奧地利最大的鋼鐵公司和化工公司都位於此。2009年林茲獲選為歐洲文化首都!!!
午餐@勝龍閣 (Kew Asia)--超美味的午餐, 豉汁排骨絕對有水準, 燒鵝亦很美味, 比之前一晚係維也納嘅中菜館更為出色... 老闆係香港人, 老闆娘係馬拉人... 大家去歐洲嘅中國餐廳前, 記得要問清楚係香港人開嘅先好入去呀!!!
舊城廣場, 坐落於多瑙河畔
望埋多瑙河最後一眼, 就要離開奧地利...
前往捷克... 好多黑雲呀個天...
奧地利的戰利品!!!
沒有留言:
張貼留言